მილანის ფორვარდმა პაცინიმ განაცხადა, რომ მთელი "როსონერი" სულმოუთმენლად ელის რიკარდო კაკას იტალიაში დაბრუნებას. იტალიელი მოთამაშის თქმით რიკის დამატების შემთხვევაში "მილანის" სათამაშო ფილოსოფია მნიშვნელოვნად შეიცვლება...

"დარწმუნებული ვარ კაკას გადმოსვლის შემთხვევაში ჩვენი პროგრესი აშკარა იქნება, თუკი ბრაზილიელი შემოგვიერთდა, უნდა ჩავთვალოთ, რომ მილანმა მსოფლიოს ერთ-ერთი საუკეთესო ფეხბურთელი დაიმატა. ვფიქრობ, კაკას "რეალში" არ აფასებენ, მისი პროფესიონალიზმის იგნორირება უბრალოდ წარმოუდგენელია, ჩვენ მას ველით და იმედს გამოვთქვამ მოლაპარაკებები ჩიხში არ შევა."

"ნახევარდაცვის რგოლში პრობლემები არ გვაქვს, ჩვენს გუნდს რამდენიმე მაღალი დონის მოთამაშე ჰყავს მოედნის ცენტრში, მაგრამ რიკარდო სულ სხვა განზომილებაა, დარწმუნებული ვარ გადმოსვლისტანავე იგი სასტარტოში დაიკავებს ადგილს."