იკერ კასილასი ბრწყინვალე შედეგებს აჩვენებს, მას ბოლო 4 მატჩის განმავლობაში საკუთარ კარში გოლი არ მიუღია, ამას ემატება ის გარემოება, რომ გუნდის დაცვითი ხაზი არც ისე სახარბიელო მდგომარეობაშია, რადგან კოლექტივის დახმარებას ვერ ახერხებდნენ სერხიო რამოსი, პეპე და მარსელო ვიეირა, რომელიც დიდი ხნის მანძილზე იყო ტრავმირებული...

ბოლო გოლი ესპანელმა მეკარემ ხავი პრიეტოსგან მიიღო, მას შემდეგ იკერი საკუთარ კარს მშრალად ინახავს. ჯამში კასილასმა 4 მატჩი გამართა გოლის გაუშვებლად (375წთ).

აღსანიშნავია, რომ ოთხიდან ორი შეხვედრა "ბლანკოსმა" ურთულეს მეტოქესთან, ვალენსიასთან გამართა, მაგრამ ამ გარემოებას იკერისთვის ხელი არ შეუშლია, ესპანელი მეკარე აგრძლებეს საკუთარი შედეგების გაუმჯობესებას.

მომდევნო დაპირისპირება სამეფო კლუბს კვლავ "ღამურებთან" აქვს, მატჩი Copa Del Rey-ს ეგიდით გაიმართება. წარმატებები და კარის კვლავ მშრალად შენახვა ვუსურვოთ "რეალის" დიად კაპიტანს.