ფერნანდო გაგო ჟურნალისტებს ესაუბრა და განაცხადა, რომ ვალენსია ყველაფერს გააკეთებს მატჩის მოსაგებად, თუმცა ეს ყველაფერი იოლი არ იქნება, რადგან მეტოქე მადრიდის "რეალი" გახლავთ...

"ყველაფერს ვაკეთებთ იმისათვის, რომ მაქსიმუმი ვაჩვენოთ და საკუთარი გულშემატკივრები გავახაროთ. მერწმუნეთ "ბლანკოსთან" თამაში ძალიან რთულია, რადგან ჟოზე მოურინიოს ხელში მსოფლიოს ვასკვლავები არიან, რომლებსაც ნებისმიერ სიტუაციაში შეუძლიათ ტემპის მომატება და გოლის გატანა."

"მესტალიაზე გასამართი შეხვედრის ჩასატარებლად სამეფო კლუბი უდიდესი დანაკლისებით ჩამოვიდა, ფაქტიურად "რეალს" მთავარი ფეხბურთელები აკლია. ვფიქრობ, სერხიო რამოსის, პეპეს და მარსელოს გარეშე, დაცვის ხაზი ვერ იქნება ისეთივე სრულფასოვანი, როგორიც ზოგადად არის. "ბლანკოსში" ამ ფეხბურთელებზე ბევრი რამ არის დამოკიდებული და არამხოლოდ დაცვის ხაზში, ისინი გუნდზე ფსიქოლოგიურადაც დიდ ზეგავლენას ახდენენ. როდესაც რამოსი და პეპე მოედანზე არიან, გუნდი უკანა ხაზიდან უდიდეს ძალას გრძნობს, მარსელო კი შეტევებს ამრავალფეროვნებს."

"ჩვენს გუნდს სამეფო კლუბის დამარცხება შეუძლია, მთავარია ბოლომდე დავიხარჯოთ და მოედნის ყველა რგოლი გავაკონტროლოთ."