"რეალი" მარსელოს, რამოსის, პეპესა და კაკას გარეშე
მადრიდული კლუბი მესტალიაზე დიდი დანაკლისით იქნება
მადრიდის "რეალი" ლა ლიგის მეორე ნახევრის პირველ მატჩს, მესტალიაზე "ვალენსიას" წინააღმდეგ გამართავს. გუნდს გამოაკლდება მარსელო - მოურინიოს სტრატეგიული მიზეზების გამო, ასევე პეპე - ტრავმის გამო, რამოსი და კაკა კი დისკვალიფიკაციის გამო.
მარცხენა მცველი მარსელო გასულ სამშაბათს დაუბრუნდა გუნდს ტრავმის შემდეგ. მოურინიო ცდილობს გააუმჯობესოს მისი სათამაშო კონდიციები და ამის გამო იგი მომდევნო მატჩში დაასვენებს ბრაზილიელს.
ასევე მადრიდში რჩება მარსელოს თანამემამულე კაკა. რომელიც ახლა მოლაპარაკებებს აწარმოებს "მილანთან".
პორტუგალიელმა სპეციალისტმა 19 ფეხბურთელი შეიყვანა განაცხადში. რა თქმა უნდა ერთ-ერთი მათგანს მადრიდში დარჩენა მოუწევს და ეს ალბათ რომელიმე მეკარე იქნება. განაცხადში მოხვდა ნაჩო ფერნანდესი, რომელიც არ თამაშობს მეორე დივიზიონის მატჩში "ვილიარეალის" წინააღმდეგ
- 19 იანვარი 2013
- 2 215
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
