ყველას მოგეხსენებათ რომ წინა მატჩი "თეთრებმა" "ვალენსიას" წინააღმდეგ სამეფო თასზე ჩაატარეს. აღნიშნულ შეხვედრაში მადრიდის "რეალის" დაცვა სრულიად განსხვავდებოდა ჩვეული ოთხეულისგან. მარჯვენა ფლანგს ესიენი ამაგრებდა, მარცხენა ფლანგზე მარსელო იდგა, რომელმაც სულ ახლახან მოიშუშა ტრავმა და ამის გამო, იგი საუკეთესო ფორმიდან ძალიან შორს იყო. მადრიდის რეალის ცენტრს კი ორი სათადარიგოს ფეხბურთელი ამაგრებდა - კარვალიუ და ალბიოლი. უნდა აღინიშნოს რომ ზემოთ ხსენებულ შეხვედრაში კარვალიუ დაცვის უდავო ლიდერი იყო.

პორტუგალიელმა მცველმა ყველას დაუმტკიცა რომ ასაკს არ აქვს დიდი გადამწყვეტი მნიშვნელობა, მთავარი მონდომება და თავდაუზოგავი შრომაა.

როგორც ჩანს კარვალიუ მადრიდელთა დაცვის საკვანძო ფიგურა გახდა, და სრულიად შესაძლებელია მესტალიაზე იგი ვიხილოთ სასტარტო შემადგენლობაში.

მან ასევე მცირე კომენტარი გააკეთა მატჩზე : "ეს შედეგი არაფერს ნიშნავს, მთავარი იყო საკუთარი კარი მშრალად შეგვენახა რაც ფრიადზე შევასრულეთ. გოლის გატანამ კი უბრალოდ საქმე გაგვიადვილა".

წყარო: Marca.com