მადრიდის "რეალის" ყოფილმა ფეხბურთელმა, რობერტო კარლოსმა განაცხადა, რომ ის, რაც სამეფო კლუბში ხდება სავსებით არ არის გასაკვირი, რადგან ყველა გრანდს აქვს ჩავარდნები, რომელიც ნამდვილად აღმოფხვრადია...

"ყოფილა სეზონები, როდესაც სეზონის სტარტს წაგებებით და ფრეებით ვიწყებდით და ვერც ჩემპიონთა თასის მოგებას ვახერხებდით, მაგრამ ეს იმას არ ნიშნავდა, რომ "ბლანკოსის" ძალას ვინმე არ აღიარებდა. მადრიდის "რეალი" მსოფლიოში უძლიერესი კლუბია და ესპანური გრანდის მიმართ ყველას შიში აქვს, არ არსებობს საფეხბურთო კლუბი, რომელსაც მადრიდულ კოლექტივთან სურს შეხვედრა, შესაძლოა ბევრი საუბრობდეს, რომ "ბლანკოსი" სასურველი მეტოქეა და ასე შემდეგ, მაგრამ მერწმუნეთ, გულის სიღრმეში ვინც ლოგიკურად აზროვნებს არავის სურს სანტიაგო ბერნაბეუზე ჩასვლა და იქაურ პუბლიკასთან ერთად გამოსულ "რეალის" ფეხბურთელებთან დაპირისპირება."

"სამეფო კლუბში აშკარად რაღაც ხდება, მაგრამ დარწმუნებული გახლავართ ყველაფერი მოგვარებადია. აუცილებლად გაანალიზდება ყველაფერი და ყველა მიხვდება, რომ პრობლემის გადაჭრა მხოლოდ გაერთიანებითა და ერთ მუშტად შეკვრით არის შესაძლებელი."