მადრიდის "რეალის" პრეზიდენტმა ფლორენტინო პერესმა დაიცვა მანუელ პელეგრინი, რომელსაც თავს გულშემატკივართა რისხვა დაატყდა .

"გულშემატკივრებს მინდა ვუთხრა, რომ დამშვიდდნენ და მისცენ პელეგრინის მშვიდად მუშაობის საშუალება. არ დაგავიწყდეთ, რომ ამ ზაფხულს გუნდში ახალი ფეხბურთელები მოვიდნენ და მათ სჭირდებათ დრო ადაპტაციისთვის. გავიდა მხოლოდ ორი თვე. მჯერა "რეალი" თავის ძალას ყველას აჩვენებს" – აცხადებს პერესი "Reuters"-თან.

შეგახსენებთ, რომ "რეალი" რვა ტურის შემდეგ სატურნირო ცხრილში მეორე ადგილზეა. ის "ბარსელონას" სამი ქულით ჩამორჩება. მადრიდელები დამარცხდნენ მესამე დივიზიონის კლუბ "ალკორკონთან" 4:0.