"ოსასუნასთან" უგოლო ფრის შემდეგ, ჟურნალისტებს რაულ ალბიოლი გაესაუბრა...

"ოსასუნას დამარცხება ძალიან რთული აღმოჩნდა. გვიჭირდა მომენტების შექმნა, თუმცა ბოლომდე დავიხარჯეთ. ლა ლიგის მოგება თითქმის შეუძლებელია, მაგრამ უნდა გავაგრძელოთ კარგი თამაში და მოვიგოთ პრიმერას შეხვედრები, რაც აისახება კოპა დელ რეიზე და ჩემპიონთა ლიგაზე".

"რამდენიმე საკვანძო ფეხბურთელი გვაკლდა, თუმცა ამაზე წუწუნი შედეგს არ მოიტანს, ვინაიდან ჩვენ მადრიდის "რეალი" ვართ და გვყავს შესანიშნავი შემადგენლობა. რონალდოს არყოფნა გუნდს აშკარად დაეტყო. ის ჩვენთვის უმნიშვნელოვანესია".

"ლა ლიგაში, მთავარი მეტოქე ძალიან შორს გავუშვით, მაგრამ ახლა უნდა შევეცადოთ ყველა მატჩის მოგებას, რადგან საპატიო მეორე ადგილი მაინც დავიკავოთ. ჩვენ სამეფო კლუბი ვართ, ასე, რომ ყოველ მატჩში გამარჯვებისთვის ბრძოლა გვმართებს".

"ვფიქრობ, რომ არბიტრმა, კაკა უსამართლოდ გააგდო. ასეთ რაღაცეებს უკვე შევეჩვიეთ და იმედი მაქვს, რომ სამეფო თასის 1/4 ფინალში, ორივე მატჩს 11 კაციანი შემადგენლობით დავასრულებთ. დიდი მადლობა მინდა გადავუხადო მოურინიოს თავისი სიტყვებისთვის".

"ახლა ყველაზე მნიშვნელოვანია, თასისთვის და ლიგისთვის ფორმაში ყოფნა. ჩემპიონთა ლიგა ჩვენთვის მთავარი პრიორიტეტია და იმედი მაქვს, ამ ტურნირზე საუკეთესო მადრიდის "რეალს" ვიხილავთ. კარგად მესმის, რომ "მანჩესტერი" უდიდესი გრანდია და ამასთან ერთად, ფერგიუსონის შეგიდები ძალიან კარგ ფორმაში იმყოფებიან, მაგრამ ჩვენ უნდა ვიპოვოთ ჩვენი ძალები და დავამარცხოთ ინგლისის გრანდი".