მატჩის შემდეგ, ჟოზე მოურინიომ პრესკონფერენცია გამართა...

"გუნდს ვერ გავაკრიტიკებ, რადგან ბიჭებმა ბოლომდე იბრძოლეს. ძალიან კარგი მატჩი ჰქონდათ კოენტრაოსა და ალბიოლს, რის გამოც ბედნიერი ვარ. პამპლონაში თამაში ყოველთვის რთულია, "ოსასუნას" ასპარეზობის სტილის გამო, თუმცა რამდენიმე მომენტი შევქმენით. აღსანიშნავია, რომ გვაკლდა რამდენიმე ფეხბურთელი, თუმცა ამას ყურადღებას ნაკლებად ვაქცევ".

"იკერმა ბოლო ორი შეხვედრა საკმაოდ სოლიდურად ჩაატარა. სამეფო თასის მერვედ ფინალში, მან გააკეთა ის, რასაც დიდი გუნდების მეკარებიი აკეთებენ და რამდენიმეჯერ იხსნა გუნდი ხოლო "ოსასუნასთან" მას ბევრი საქმე არ ჰქონია. საბოლოო ჯამში, ბოლო ორი მატჩი კასილასმა კარგად ჩაატარა, რაც გუნდის დამსახურებაცაა. წინასწარ არ ვიცი, "ვალენსიასთან" იგი დაიწყებს თუ ადანი".

"სხვაობა ლიდერთან ძალიან დიდია და ეს ყველაფერი პირველი ტურიდან დაიწყო. ახლა უკვე რთულია ფეხბურთელების ლა ლიგაში მოტივირება, რადგან შინაგანად ყველას ესმის, რომ ჩემპიონობის შანსი ნულის ტოლია".