ლონდონის ჩელსის ლუკა მოდრიჩის ინგლისში დაბრუნება სურს. ლონდონი ხორვატისთვის არც ისე უცნობი ქალაქია, მან რამდენიმე წელიწადი ტოტენჰემის შემადგენლობაში გაატარა და 1 წელიც არ არის გასული მას შემდეგ, რაც ლუკამ მადრიდის "რეალის" ფორმა მოირგო...

ხორვატმა მოთამაშემ ადაპტაცია სრულფასოვნად ვერ გაიარა და იგი მეტწილად სათადარიგოთა სკამზე ატარებს მატჩებს, რაც თავისთავად ძალიან ცუდია, რადგან მოდრიჩს ნამდვილად აქვს იმი პოტენციალი, რომ ნებისმიერი გუნდის ნახევარდაცვის რგოლის ლიდერად მოგვევლინოს.

რაც ზამთრის სატრანსფერო ფანჯარა დაიწყო, მას შემდეგ არ წყდება ინფორმაციები იმის შესახებ, რომ ლუკას შეძენით ლონდონის ჩელში არის დაინტერესებული, რადგან მათი მთავარი მწვრთნელი ხორვატში გუნდის უდავო ლიდერის, ფრენკ ლამპარდის შემცვლელს ხედავს. ინგლისელ შუა ხაზელს ასაკი ნელ-ნელა ეტყობა, ის ნამდვილად ვეღარ თამაშობს ისეთ დონეზე, როგორც ამას ადრე ახერხებდა.

გავრცელებული ინფორმაციის მიხედვით რომან აბრამოვიჩი მზად არის მოდრიჩის სანაცვლოდ 38 მილიონ ევროს შეელიოს. შეგახსენეთ, მადრიდელებმა ხორვატი მოთამაშე ტოტენჰემიდან 45 მილიონი ევროს სანაცვლოდ წამოიყვანეს. ნახევარ წელიწადი 7 მილიონის წაგება კი არცერთ გუნდს არ აწყობს, შესაბამისად რთული სათქმელია, რამდენად დაენთანხმება მადრიდული გიგანტის ხელმძღვანელობა ხსენებულ პირობას.