მოგეხსენებათ, ჟოზე მოურინიო უკვე დიდი ხანია დილემის წინ დგას. პორტუგალიელის საზრუნავი მუდმივად არის ის, თუ ვინ დააყენოს ძირითად შემადგენლობაში კარიმ ბენზემა თუ გონსალო იგუაინი...

როდესაც რომელიმეს ტრავმა აქვს ჟოზეს საფიქრალიც იკლებს, მაგრამ როდესაც ორივე ფორმაშია, მართლაც რთულია რომელიმეს ამორჩევა, მაგრამ ესპანური პრესის აზრით კარიმ ბენზემას აბსოლიტურად ტყუილად უჭირავს სასტარტოში ადგილი, პიპა კი ძირითადად მეორე ტაიმში ერთვება ხოლმე მატჩებში.

წლევანდელი სეზონის ნახევარი უკვე გავიდა, ამ ხნის მანძილზე კარიმ ბენზემამ 15 დაპირისპირება ჩაატარა, სულ 907 წუთი და მეტოქის კარის აღება 5-ჯერ მოახერხა.

რაც შეეხება გონსალო იგუაინს, არგენტინელ მოთამაშეს ფრანგისგან განსხვავებით 11 მატჩში აქვს მონაწილეობა მიღებული და მის ანგარიშზე 686 წუთია, ამ ხნის მანძილზე პიპიტამ ბენზემაზე 2 გოლით მეტი გაიტანა და მის ანგარიშზე გოლი გახლავთ.

გამოდის, რომ გონსალოს კარიმზე 221 წუთით ნაკლები აქვს ნათამაშები, რაც ჯამში 2 სრულ თამაშსა და 1 ტაიმს უდრის. საშუალო მაჩვენებლის მიხედვით ამ დროში გონსალო მინიმუმ 2 გოლის გატანას მოახერხებდა და კიდევ უფრო მეტად გაზრდიდა საკუთარ მაჩვენებელს.

დღესდღეობით მადრიდის "რეალის" ნომერ პირველ ფორვარდად არა გონსალო, არამედ კარიმ ბენზემა ითვლება, არგენტინელს კი მეორედ ნომრად უწევს ასპარეზობა, შედეგები კი სხვა რამეზე მეტველებს. სტატისტიკის მიხედვით "ბლანკოსისთვის" უფრო მეტად ნაყოფიერი მოთამაშე, არა კარიმი, არამედ პიპიტა გახლავთ."