მადრიდის რეალის პორტუგალიელმა ვარსკვლავმა კრიშტიანო რონალდომ გუშინ დუბლი მიითვალა და ბუტრაგენიოს გაუტოლდა ყველა ტურნირზე გატანილი გოლების რაოდენობით.

სულ რონალდოს 171 ბურთი დაუგროვდა. აღსანიშნავია, რომ ამ შედეგის მისაღწევად ელ ბუტრეს 463 მატჩი და 12 სეზონი დასჭირდა, საშუალოდ ის მატჩში 0.37 გოლს იტანდა. კრიშტიანომ კი იგივე შედეგი 171 შეხვედრაში აჩვენა, რაც ნიშნავს, რომ მადრიდელთა შვიდიანი ყოველ მატჩში იტანს გოლს. ახლა ჰორიზონტზე პირი, ხენტო და ჰუგო სანჩესი არიან, რომლებსაც ყველა ტურნირზე 208 გოლი აქვთ გატანილი. რაც შეეხება საშუალო მაჩვენებელს, პორტუგალიელმა აჯობა ლეგენდარულ პუშკაშს (0.93), პანიოს (0.86) და დი სტეფანოს (0.77).