ცხრა თვეა რიკარდო კაკას 90 წუთი არ უთამაშია.

მატჩი "რეალ სოსიედადის" წინააღმდეგ 2012 წლის 24 მარტს, ბოლო შეხვედრა იყო სადაც კაკამ 90 წუთი ითამაშა. მას შემდეგ ბრაზილიელი ნახევარმცველი ძირითად შემადგენლობაში ვერ ხვდება.

კაკა ვერ პოულობს თავის ადგილს მადრიდულ გრანდში. ამ სეზონში, რიკარდომ გასულ სეზონზე ნაკლები ითამაშა. მთავარი მწვრთნელი ჟოზე მოურინიო იშვიათად უშვებს მას, მწვანე მინდორზე, ხოლო ამ მოკლე დროში კაკამ ვერ მოახერხა მწვრთნელის დარწმუნება საკუთარ შესაძლებლობებში.

ყველაფერი იმაზე მეტყველებს, რომ კაკამ შესაძლოა იანვრის სატრანსფერო პერიოდის დროს დატოვოს მადრიდი. რამდენიმე ამერიკული კლუბი ჯიუტად ცდილობს ბრაზილიელის შეძენას და შეუძლიათ კარგი თანხა შესთავაზონ მადრიდს "რეალს".