ესპანურ წყაროებზე დაყრდნობით, მადრიდის "რეალის" ლიდერი, კრიშტიანო რონალდო, სამეფო კლუბთან კონტრაქტს არ გაახანგრძლივებს. პორტუგალიელის განცხადებით, ის დარჩება ესპანეთში კიდევ 2 წელი, როგორც მის ამჟამინდელ კონტრაქტშია აღნიშნული, შემდეგ კი სავარაუდოდ იგი ახალი კლუბის ძიებას დაიწყებს...

როგორც ადგილობრივი ჟურნალისტები იუწყებიან, პორტუგალიელი უკმაყოფილოა თავისი ხელფასით და ითხოვს მეტს, მაგრამ არსებობს მეორე ვარიანტიც, რომ რონალდოს აქვს ფსიქოლოგიური სტრესი მადრიდში.

მიუხედავად, ფეხბურთელის საოცარი შედეგისა (160 გოლი, 4 სეზონში), კრიშტიანო თვლის, რომ მადრიდის "რეალში" გადმოსვლის შემდეგ, მისი ოქროს ბურთის მოგების შანსები ერთიორად დავარდა, რადგან მას არ აქვს კლუბისგან მხარდაჭერა.

თავიხ მხრივ, კლუბის ხელმძღვანელები მზად არიან, გუნდის ლიდერს კონტრაქტი 2018 წლამდე გაუხანგრძლივონ და ხელფასი 10-დან 15 მილიონამდე დაუნიშნონ, თუმცა თუ ვარსკვლავი ისევ უარზე იქნება, მაშინ პერესი სხვა კლუბების შემოთავაზებებს მოისმენს. მსურველები კი კრიშტიანოს ძალიან ბევრი ჰყავს. განხილვადია "პარისენჟერმენის" ვარიანტი და ასევე აქტუალურია რონალდუს დაბრუნება სახლში, "მანჩესტერ იუნაიტედში", სადაც კრიშტიანო ისევ რჩება ხალხის კუმირად: "მუდამ გვემახსოვრება რონალდოს საოცარი თამაში. მადრიდში მას არ აფასებენ და მოვუწოდებ ჩვენთან დაბრუნდეს" - ეს სიტყვები პატრის ევრას ეკუთვნის.


წყარო:As.com