იტალიური გამოცემა Tuttomercatoweb-ის ცნობით "მილანი" დაინტერესებულია მადრიდის "რეალის" პორტუგალიელი მცველის რიკარდო კარვალიოს შეძენით.

კარვალიოს კონტრაქტი მადრიდის "რეალთან" 2013 წლის 30 ივნისს ეწურება, სავარაუდოდ გალიანი დაელოდება კონტრაქტის ამოწურვას და ფეხბურთელს თავისუფალი აგენტის სტატუსით გაიფორმებს. მადრიდში კარვალიოს მდგომარეობა რთულადაა, იგი მეხუთე ცენტრალურ მცველად ითვლება რამოსის, პეპეს, ალბიოლისა და ვარანის შემდეგ.

რიკარდომ ამ სეზონში მადრიდის "რეალის" მაისური "ალკოიანოსთან", "სელტიკთან" და "აიაქსთან" მატჩში მოირგო.