აგირე : "კატასტროფული სიტუაცია გვაქვს"
ხავიერ აგირე, რომელიც ამჟამად ესპანიოლს უდგას სათავეში, ჟურნალისტებს გაესაუბრა და მისი გუნდის მომავალ მეტოქზე, მადრიდის "რეალზე" ისაუბრა...
"მინდა გითხრათ, რომ ბერნაბეუზე მოგება ძალიან რთული იქნება, მითუმეტეს ესპანიოლს ამ სტადიონზე 16 წელიწადია გამარჯვება არ მოუპოვებია, მაგრამ დამიჯერეთ კატალონიური გუნდი ღრმა კრიზისიდან გამოსვლას ცდილობს, ჩვენ სატურნირო ცხრილში კატასტროფული მდგომარეობა გვაქვს, რომლის გამოსწორება უკვე დავიწყეთ და ჟოზეს გუნდთან უნდა გავაგრძელოთ."
"ქულების მოგროვება აუცილებელია, სხვა შემთხვევაში ცხრილის ფსკერზე დავრჩებით და უმაღლესი დივიზიონის დატოვება მოგვიწევს, რაც გუნდისთვის ძალიან ცუდი იქნება, გამომდინარე აქედან თითოეულ მომდევნო მატჩში მოედანზე ყველაფერს დავდებთ იმისათვის, რომ თუნდაც 1 ქულა მოვიპოვოთ."
"ჟოზე მოურინიოს ძალიან ძლიერი გუნდი ჰყავს, რომელიც საკუთარ მოედანზე განსაკუთრებით სახიფათოა. "ბერნაბეუზე" ყოველთვის "რეალი" გახლავთ ფავორიტი, აქედან გამომდინარე ჩვენი შანსები მიზერულია, მაგრამ ყველა გულშემატკივარს პირობას ვაძლევ, რომ ჩემი გუნდი საკუთარ თავზე მაღლა დადგება და ყველაფერს გააკეთებს სასურველი შედეგის მისაღწევად.
- 16 დეკემბერი 2012
- 1 533
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
