ლონდონის ჩელსიში არც ისე კარგი სიტუაციაა, პირველ რიგში ეს მდგომარეობა იმით აიხსნება, რომ ჩემპიონი გუნდი, იმავე ტურნირს ჯგუფურ ეტაპზე დაემშვიდობა. "არისტოკრატებში" ასევე მწვრთნელის ცვლილებაც მოხდა და გუნდს სათავეში მსოფლიოს ერთ-ერთი საუკეთესო მენეჯერი, რაფაელ ბენიტესი ჩაუდგა, რომელიც "ლურჯებში" ძირეულ ცვლილებებს გეგმავს..

გავრცელებული ინფორმაციის ზამთრის სატრანსფერო ფანჯრის დროს ჩელსის ეშლი კოული დატოვებს, რომელმაც ლონდონელთა რიგებში რამდენიმე წელიწადი გაატარა, აქედან გამომდინარე "არისტოკრატებს" დაცვის მარცხენა ფლანგზე სერიოზული პრობლემები შეექმნებათ, რადგან ინგლისელი მცველი მსოფლიოში ერთ-ერთ საუკეთესოდ ითვლებოდა საკუთარ პოზიციაზე.

რომანი აბრამოვიჩი იანვარში საკმაოდ სერიოზული ტრანსფერების აჩარხვას ფიქრობს, რადგან რამდენად მოახერხებს ამ ყველაფერს, უკვე სხვა საკითხია. რუსი ოლიგარქის ერთ-ერთი მიზანი მადრიდის "რეალის" პორტუგალიელი მცველის, ფაბიო კოენტრაოს შეძენა იქნება. კოეს "რეალში" საქმე არც ისე კარგად მისდის, მას ძირითადად სათადარიგოთა სკამზე უწევს ჯდომა, რადგან მარსელო ვიეირასთან ვერ ახერხებს ძალების გათანაბრებას და ძირითად შემადგენლობაში მოხვედრისთვის ბრძოლას.

რაფაელ ბენიტესის აზრით ფაბიო "ჩელსის" სქემას იდეალურად მოერგება, პორტუგალიელი მადრიდში ვერ ახერხებს საკუთარი პოტენციალის სრულად წარმოჩენას, რადგან მისი სტილი ლა ლიგა არ არის, ბენიტესის აზრით ფაბიო პრემიერ ლიგას უფრო მოერგება.