მადრიდის "რეალის" პრეზიდენმტა ფლორენტინო პერესმა და კლუბის ცოცხალმა ლეგენდამ, ალფრედო დი სტეფანომ, ქომაგების დაჯილდოვებაში მიიღეს მონაწილეობა.

"ბლანკოსის" პირველმა პირმა, გამოსვლის დასაწყისში, კიდევ ერთხელ მიუსამძიმრა დონ ალფრედოს, ქალიშვილის გარდაცვალება: "ძვირფასო ალფრედო, ჩვენ ახლა თქვენ სიახლოვეს ვიმყოფებით და მინდა გითხრათ, რომ ძალიან გვიყვარხართ.მიიღეთ ჩვენი მხარდაჭერა, მძიმე პერიოდში.სამეფო კლუბის ისტორიაში, დიდებული ფეხბურთელი ხართ." აღნიშნული სიტყვების წარმოთქმის შემდეგ, დამსწრე საზოგადოება ფეხზე წამოდგა და დაახლოებით 1 წუთის განმავლობაში, აპლოდისმენტებით გაამხნევა დი სტეფანო.

"ჩვენ ვაშენებთ ოცნების გუნდს, რომელსაც შესწევს ძალა, გაუმკლავდეს ნებისმიერ გამოწვევას.ფეხბურთელების მოძღვრავს მოურინიო - ის მსოფლიოში საუკეთესო მწვრთნელია მსოფლიოში და ყოველთვის ბევრ ითხოვს შეგირდებისაგან.ჟოზე სრულიად დაუმსახურებელი და გაუგებარი შეტევებისა და კრიტიკის ქარცეცხლში გაატარეს ბოლო დროის მანძილზე, რომელიც ეხებოდა ასევე მის პიროვნებასაც. აქედან მინდა ჟოზე მოურინიოს კიდევ ერთხელ აღვუთქვა ჩემი სრული მხარდაჭერა, ჩემი პატივისცემა, ჩემი სიყვარული და ჩემი სრული ნდობა იმ საქმეში, რომელსაც ის აკეთებს" - აღნიშნა ფლორენტინომ.

პრეზიდენტმა მადლობა გადაუხადა სტაჟიან გულშემატკივრებს: "ჩემთვის, როგორც პრეზიდენტისთვის, ეს ცერემონია არის გულში ჩამწვდომი.თქვენ კლუბის მიმართ ერთგულებასა და ნდობას იჩენთ, უკვე 25, 50 და 60 წლის განმავლობაში, რაც უნიკალურია.მადრიდის "რეალი" თქვენი ცხოვრების ნაწილია და სწორედ თქვენი მხურვალე მხარდაჭერის წყალობით, ჩვენ ავედით ასეთ დონეზე.თქვენ ეკუთვნით მსოფლიოში საუკეთესო კლუბს, რომელიც "ფიფას" მიერაა აღიარებული."

"ეს კლუბი ძალიან მნიშვნელოვანია, უნივერსალური ბრენდია, რომელსაც ფესვები აქვს გადგმული ჩვენს გრძნობებში.გასაკვირი არაფერია იმაში, რომ ადამიანებს სურთ, თავისი კვალი დატოვონ .ჩვენ იმიტომ გავედით მაღალ დონეზე, რომ თავად ვმართავთ ჩვენს ბედს, რითაც ვამაყობთ კიდეც.არსებობს გაუვალი კავშირი და არავის აქვს უფლება, მისი გადაკვეთის.არჩევნებში იმიტომ გადავწყვიტე მონაწილეობა, რომ ჩემი სურვილია, "რეალი" ეკუთვნოდეს თავის წევრებს.ადრე რიგითი წევრი ვიყავი "ბლანკოსისა," მაგრამ ახლა პრეზიდენტი ვარ, რითიც ვამაყობ.ჩვენ ერთად უნდა ვცეთ პატივი მემკვიდრეობას."

"სამეფო კლუბის კარი ყველასათვის ღიაა.ჩვენი კლუბი საზღვრებს გარეშეა.ფეხბურთის დიადი ისტორიის გამგრძელებელნი ვართ და ჩვენი ვალდებულებაა, ყოველივე ეს შვილებს გადავცეთ."რეალი" ვერ იქნებოდა ასეთი დიდებული, თქვენი ერთგულების, მხარდაჭერისა და ძალისხმევის გარეშე.მადლობა ყველაფრისათვის!"