ვიგოში წაგებული თამაშის შემდეგ გამართულ პრესკონფერენციაზე, ჟოზე მოურინიომ ირიბად გააკრიტიკა თავისი რამდენიმე შეგირდი.

"ეჭვგარეშეა, რომ რამდენიმე მოთამაშემ გამაოცა, მაგრამ არ გეგონოთ, ახლა მათი გვარების ჩამოთვლას დავიწყებ.ციოდა, კოკისპირულად წვიმდა, სათასო შეხვედრა იყო, ამიტომაც ვიღაცებს ართუ ისე უნდოდათ თამაში" - დასძინა პორტუგალიელმა სპეციალისტმა.

ბუნებრივია, აღნიშნულ განცხადებას, დიდი მითქმა-მოთქმა მოყვა ესპანურ პრესაში.ყოველდღიურმა გამოცემა "მარკამ," თავის ვებ-გვერდზე გამოკითხვაც კი დაუთმო ხსენებულ საკითხს.კონკრეტულად, მომხმარებლებს უნდა გამოეცნოთ ის ფეხბურთელი, რომელსაც ჟოზეს კრიტიკა დაატყა თავს.

ნიშანდობლივია, რომ 15 ათასი გამოკითხულიდან, 62 %-ის აზრით, მოურინიოს ზ/დაწერილი სიტყვები, ანხელ დი მარიას ეკუთვნოდა, რომელიც ბოლო დროს უღიმღამოდ გამოიყურება და თუ ასე გაგრძელდა, თამაშში ჩართვა სათადარიგოდან უფრო მოუწევს, ვიდრე პირველი წუთებიდან.