როგორც იცით, სამეფო კლუბის პრეზიდენტი, ფლორენტინო პერესი, AS-ს მიერ ორგანიზებულ დაჯილდოვებაზე იმყოფებოდა.

აღსანიშნავია, რომ დონ ფლორენტინოს, კასილიასსა და 5 გოლის გამტან ფალკაოს, ერთ მაგიდაზე მოუწიათ დაჯდომა.ღონისძიების მსვლელობისას, "ბლანკოსის" პირველმა პირმა, თავისი კლუბის კაპიტანს ხუმრობით გადასძახა: "ახალ ფალკაოს ხელსახოცს გადავცემ," რაზეც იკერმა სიცილით უპასუხა: "ყურადღებით იყავი, ისინი იწერენ ყველაფერს." თავის მხრივ, ვერაფერს მიხვდა კოლუმბიელი გოლეადორი, რომელმაც ალბათ, ადრე განვითარებული მოვლენები არ იცოდა.

საქმე იმაშია, რომ შორეულ წარსულში, "ოქროს ბურთის" ცერემონიალზე, პერესმა (რომელიც დიდად დაინტერესებული იყო დიადი ზიდანის შესაძლებლობებით), ზიზუს ხელსახოცი გადასცა, სადაც შემდეგი სიტყვები იკითხებოდა: "გინდა მადრიდში თამაში?"