მოგეხსენებათ ბოლო პერიოდში ფლორენტინო პერესსა და რონალდოს შორის ურთიერთობას ოდნავ გაფუჭდა. კრიშტიანო თავს არ გრძნობდა ბედნიერად და ხელმძღვანელობისაგან მოითხოვდა მეტ სიყვარულსა და პატივისცემას.

-''ბატონო პრეზიდენტო, რაღაც მაქვს თქვენთვის სათქმელი, მე არ ვარ ''რეალში''ბედნიერი და წასვლა მინდა. '' - რონალდო
-''შენ თუ წახვალ იმდენი ფული უნდა ვიშოვო შენით , რომ მესი ვიყიდო''-პერესი
-''ჩემში 100 მილიონს იხდიან''- რონალდო
-'' მე 100 მილიონი არ მაწყობს, შენ ერთი მილიარდი ღირხარ'' - პერესი
როგორც გაზეთი ''მარკა'' იტყობინება, პერესსა და რონალდოს შორის სწორედ ასეთი დიალოგი გაიმართა.
პირველ სექტემბერს, როდესაც პორტუგალიელი ვარსკვლავი პრეზიდენტს კაბინეტში ეწვია, მან უკმაყოფილება გამოხატა ხელმძღვანელობის უყურადღებობის გამო. მოგეხსენებათ ევროპის საუკეთესო ფეხბურთელის ტიტული მაშინ ინიესტამ მოიგო, რონალდო კი თვლიდა, რომ კლუბს მისთვის უფრო აქტიურად უნდა დაეჭირა მხარი. იმ პერიოდისთვის ''პსჟ'' და ''ანჟი'' მზად იყვნენ ნებისმიერი თანხა გადაეხადათ რონის სანაცვლოდ. ამ დღის შემდეგ კი ამ ორ ადამიანს შორის ურთიერთობა კიდევ უფრო გაფუჭდა.
აღნიშნული დღიდან 4 თვე გავიდა და პორტუგალიელი მაინც უკმაყოფილოა თავისი სტატუსით გუნდში. ის თვლის, რომ 168 გოლის გამტან ფეხბურთელს 166 მატჩში, უფრო მეტად უნდა აფასებდნენ და ოქროს ბურთისთვის ბრძოლაში მას აქტიურად უნდა უჭერდნენ მხარს. სწორედ ამიტომაც პერესმა გადაწყვიტა მაქსიმალური მხარდაჭერა გამოუცხადოს თავის საუკეთესო ფეხბურთელს და მზად არის ოქროს ბურთის ცერემონიალზე გაჰყვეს , რომელიც 21 იანვარს გაიმართება.


MARCA.COM