ყატარელმა სპორტულმა ინვესტორმა 2011 წელს PSG - ში დაიწყო დიდი ინვესტიციების ჩადება. ეს არის ხუთწლიანი ბიზნეს გეგმა. დახარჯულია უკვე € 248 მილიონი . პასტორე, მენესი, ტიაგო სილვა, იბრაგიმოვიჩი, ლავეცი, ეს იმ ფეხბურთელთა მცირე ჩამონათვალია, რომლებიც პარიზულმა კლუბმა უკვე შეიძინა, თუმცაღა შეიხის სურვილები ჯერ არ დაკმაყოფილებულა. მას სურს კრიშტიანო რონალდოს ყიდვა და ეს უცხო არც არავისთვისაა.

აგვისტოში ''რეალმა'' პირველი ოფიციალური შემოთავაზება მიიღო პსჟ - სგან. ისინი რონალდოს გაორმაგებულ ხელფასს სთავაზობდნენ (€ 20 მილიონი) პლუს დამატებული ბონუსები €5 მილიონის სახით.
მას შემდეგ, რაც რონალდომ გაიგო შემოთავაზების შესახებ, ესიენის პრეზენტაციის დღეს ეწვია ფლორენტინო პერესს და განუცხადა, რომ იგი უკმაყოფილოა ''რეალში''თამაშით და თავს ბედნიერად არ გრძნობს.
პერესი გაოცებული დარჩა კრიშტიანოს ამ საქციელით და უპასუხა, რომ სატრანსფერო ფანჯარა დაიხურა და იგი მადრიდში დარჩება.
პერესმა რონალდოს შემორიგება სცადა და მას ახალი გაუმჯობესებული კონტრაქტი შესთავაზა, რომელიც ჯერ-ჯერობით მხოლოდ და მხოლოდ შეთავაზებად რჩება, რადგან რონალდოს ჯერ დასტური არ მიუცია. თავისმხრივ, ფრანგული კლუბი მზადაა გაიღოს ნებისმიერი თანხა პორტუგალიელის ხელში ჩასაგდებად. ბოლო დღეებში გაიჟღერა € 100 მილიონი. თუ ''რეალი'' დათანხმდება ეს იმას ნიშნავს, რომ წლიური შემოსავალი სამეფო კლუბისა 400 დან 500 მილიონ ევრომდე გაიზრდება.
საინტერესოა, დატოვებს თუ არა რონალდო გუნდს და თავად პერესი რამდენად მოისურვებს მის გაყიდვას.


სტატია ითარგმნა ევროსპორტის მიხედვით
www.es.eurosport.yahoo.com

საინტერესოა თქვენი აზრი, უნდა დათანხმდეს თუ არა ''რეალი'' შემოთავაზებას?