სამეფო კლუბის განვლილ შეხვედრაში, "სანტიაგო ბერნაბეუზე" შეკრებილი ქომაგები, ნამდვილად არ იყვნენ ერთსულოვანნი, მოურინიოსთან მიმართებაში.

"ალკოიანოსთან" დაპირისპირების დროს, "რეალის" ქომაგთა ნაწილი ტაშ უკრავდა პორტუგალიელს, ხოლო ნაწილი კი უსტვენდა მას.ამასთანავე Fondo Sur-ის ტრიბუნაზე მსხდომი ფანები, Antimadridistas უწოდებდნენ იმათ, ვინც ჟოზეს მხარს არ უჭერდა.საინტერესო იყო ეპიზოდი, როდესაც დი მარიამ ბურთი კარის ბადეში გაახვია.ამ დროს, "განსაკუთრებულით" მოხიბლულები მღეროდნენ Mourinho, solo tú defiendes el equipo (მოურინიო მხოლოდ შენ შეგიძლია გუნდის დაცვა), ხოლო დანარჩენები სტვენას არ იშურებდნენ.

ალბათ, გაინტერესებთ, რა რეაქცია ჰქონდა ამაზე მოურინიოს? Canal+-ს კამერებს თუ დავუჯერებთ, ჟოზე თანაშემწეებთან ერთად საუბრობდა რაღაც თემაზე და იცინოდა.

ინფორმაციის წყარო: as.com

ერთი სიტყვით, ბოლო დროს განვითარებული მოვლენებიდან გამომდინარე, მოურინიოს წასვლის მსურველთა რიცხვმა საკმაოდ იმატა.თქვენ რას ფიქრობთ?