სამეფო კლუბის არგენტინელმა ფორვარდმა, გონსალო იგუაინმა განაცხადა, რომ მის გუნდს ლა ლიგის მოგების შანსი კიდევ აქვს, რადგან ჯერ არაფერია გადაწყვეტილი...

"სამწუხაროდ ბეტისთან განცდილმა ფიასკომ ჩვენი ჩემპიონობის შანსები ძალიან მიზერული გახადა, მაგრამ დარწმუნებული ვარ ჰანდიკაპის აღმოფხვრას აუცილებლად მოვახერხებთ, მთავარი მონდომება და თავდადებით ბრძოლაა. როდესაც "ბლანკოსში" სათამაშოდ მოვედი მაშინ უფრო რთული სიტუაცია იყო, რადგან იმ დროისთვის პრიმერას დასრულებამდე არც ისე დიდი დრო რჩებოდა, ახლა კი ნახევარ სეზონზე მეტია წინ და რა მოხდება არავინ იცის, ფარ-ხმალს არცერთი ფეხბურთელი არ ყრის, მაქსიმალურად ვცდილობთ უკეთესი მატჩების ჩვენებას."

"სეზონის სტარტი ცუდი გამოვიდა, სწორედ ამან გამოიწვია უშუალო კონკურენტთან ჩამორჩენა, მაგრამ დარწმუნებით შემიძლია გითხრათ, რომ ერთი ამოსუნთქვით ვერც ბარსელონას მოახერხებს სეზონის დამთავრებას და მათაც ექნება ჩავარდნები, რომელიც სამეფო კლუბმა აუცილებლად უნდა გამოიყენოს."