მადრიდის "რეალის" ვარსკვლავმა კრისტიანო რონალდომ "ოქროს ბურთის" მოგების კანდიდატებზე ისაუბრა.

პორტუგალიელი ვარსკვლავი კრისტიანო რონალდო თვლის, რომ წელს "ოქროს ბურთი" "ბარსელონას" ფეხბურთელებს დარჩებათ. რონალდოს აზრით, გასულ წელს "მანჩესტერმა" ჩემპიონთა ლიგა მოიგო და ინგლისური კლუბის ყველა ფეხბურთელს შეეძლო ამ პრიზის მოგება. ანალოგიური სიტუაციაა ახლაც.

"გასულ სეზონში "ბარსელონამ" ჩემპიონთა ლიგა მოიგო და ალბათ კატალონიელთა ფეხბურთელი მოიგებს ამ პრიზს. თუ "მანჩესტერი" მოიგებდა ფინალს, მაშინ სხვაგვარი სიტუაცია იქნებოდა. ამჟამად გამოვყოფდი ინიესტას, მესის და ხავის" – აცხადებს კრისტიანო.

რაც შეეხება რონალდოს ტრავმას, ის ოპტიმისტურადაა განწყობილი და იმედი აქვს მალე შეძლებს თამაშს.

"ახლა ფიზიკურად კარგად ვგრძნობ თავს, მაგრამ ფრთხილად უნდა ვიყო. მალე მოედანზე გავალ" – განაცხადა პორტუგალიელმა ვარსკვლავმა.


ინფორმაციის წყარო: Goal.com