მადრიდის "რეალმა" და კომპანია "აუდიმ" ისევ გააგრძელეს ურთიერთობა, რომელიც 2003 წლიდან გრძელდება. ფეხბურთელებმა მანქანის გასაღებები მიიღეს და მანქანა თოვლზე მოსინჯეს. ამასთან ერთად წარმოადგინეს "აუდი". მათთან ერთად იმყოფებოდა აქსელ ლუნდ სვინდალი. შეხვედრა გაიმართა "Snowzone" არენაზე მადრიდში.

სიზუსტე, სიახლე და ელეგანტურობა – სამი ფასეულობა, რაც აკავშირებთ მადრიდულ გრანდსა და "აუდის".

ფეხბურთელებმა მანქანები თოვლზე გამოცადეს. თეორიული გაკვეთილების შემდეგ იგუაინმა, კაკამ, გრანერომ, მაჰამადუ დიარამ და ნისტელროიმ მიიღეს მონაწილეობა რამდენიმე ტესტში. "ეს იყო ახალი, რთული და შესანიშნავი გამოცდილება" – განაცხადა პრესასთან ბრაზილიელმა კაკამ.

"აუდის" გენერალურმა დირექტორმა ესპანეთში მანუელ კაბალიერომ განაცხადა: "მადლობას ვუხდი ყველა ფეხბურთელს თანამშრომლობისთვის". ასევე გუნდს უსურვა წარმატებები ყველა ტურნირზე. ფლორენტინო პერესმა კმაყოფილება გამოხატა: "საუკეთესო ურთიერთობა, რომელიც გრძელდება ექვსი წელი. "აუდი" კომპანიაა, რომელიც აფასებს სიზუსტეს, ტექნოლოგიას, სპორტულობას და ელეგანტურობას. ეს ჩვენს მეგობრობას უფრო კარგს ხდის".

აქსელ ლუნდ სვინდალმა გადასცა რაულს "აუდის" მაისური, რაულმა კი მას "რეალის" მაისური უსახსოვრა.


ინფორმაციის წყარო: Realmadrid.com