ესტებან გრანერომ ბევრჯერ განაცხადა, რომ არ ნანობს ”მადრიდის რეალიდან” ”ქუინს პარკ რეინჯერსში” გადასვლას წლევანდელ ზაფხულს.

AS-ის ჟურნალისტ გუილემ ბელაგუესთან ინტერვიუში ”ელ პირატმა” ახსნა, რომ მან ”მადრიდის რეალი” ამბიციის გამო დატოვა და დაამატა, რომ ეს ”მადრიდის რეალის” ბრალი არ იყო.

რა ისწავლე შენ ”მადრიდის რეალის” აკადემიაში?

”მადრიდის რეალის” კანტერა/აკადემია შენ კარგ ფეხბურთელად გაყალიბებს, ვინაიდან ის შენი ნიჭის მაქსიმალურად გამოყენების საშუალებას გაძლევს. ის შენში ნერგავს გამარჯვებულის მენტალიტეტს და გარწმუნებს, რომ პირველ გუნდში დაწინაურების შანსი გექნება, თუ რა თქმა უნდა, ამის ამბიცია გექნება.

აქვს თუ არა ”მადრიდის რეალს” საუკეთესო უცხოელი ფეხბურთელებიუს ყიდვის ფილოსოფია?

შენ მსოფლიოში ერთ-ერთი საუკეთესო ფეხბურთელი უნდა იყო, თუ გინდა, რომ ”მადრიდის რეალის” პირველ გუნდში იასპარეზო. ეს სულაც არ არის ცუდი რამე, ვინაიდან ეს ”მადრიდის რეალია” და სწორედ მასზე ვსაუბრობთ ეხლა ჩვენ. თუ შენ სხვა აკადემიის ფეხბურთელი ხარ, მშინ ადვილია პირველ გუნდში გადასვლა, მაგრამ არა ”მადრიდის რეალში”. მაგრამ ეს სულაც არ ნიშნავს, რომ აკადემიის ფეხბურთელები ცუდები არიან. ეს იმიტომაა, რომ ”მადრიდის რეალი” მსოფლიოში საუკეთესო გუნდია და მიუხედავად იმისა, რომ აკადემიის ფეხბურთელი ხარ, ეს სულაც არ არის ადვილი. ეს რომ ადვილი ყოფილიყო, კლუბი ისეთივე დიდი და ისეთივე დიდებული არ იქნებოდა, როგორც დღეს არის.

აზრთა სხვადასხვაობაა ”ბარსელონას” და ”მადრიდის რეალის” აკადემიის ფეხბურთელების შედარებისას. ამბობენ, რომ ”ბარსელონას” აკადემია ჯობია , თუნდაც იმიტომ, რომ იქ აკადემიის ფეხბურთელებს უფრო მეტი მოტივაცია აქვთ, მაგრამ რეალობაა ის, რომ ”მადრიდის რეალის” აკადემიის ფეხბურთელები მრავლად არიან პრიმერა დივიზიონში, სეგუნდა დივიზიონში, პრემიერ ლიგაში და ა.შ. მაშინ როცა ”ბარსელონას” აკადემიის აღზრდილი ფეხბურთელების რიცხვი სხვა გუნდებში ძალიან მცირეა.

რა თქმა უნდა, ”მადრიდის რეალს” სურს, რომ თავის შემადგენლობაში რაც შეიძლება მეტი აკადემიის ფეხბურთელი ყავდეს, მაგრამ კიდევ ერთხელ ვამბობ, რომ ამისთვის შენ ერთ-ერთი საუკეთესო მაინც უნდა იყო მსოფლიოში. ზოგჯერ ფეხბურთელები კარგები არიან, მაგრამ სხვებს არაფრით არ ჯობიან. როცა კარგი ხარ, მაგრამ არა სხვებისგან გამორჩეული, მაშინ სხვა გარე გუნდში უნდა ითამაშო და შემდეგ მოგვიანებით დაბრუნდე ”მადრიდის რეალში”. მთავარი რამ, რაც ყველამ უნდა გაიგოს და იცოდეს, არის ის, რომ ”მადრიდის რეალი” ეხმარება ყველას, დაწყებული იმათ, ვინც პირველ გუნდში მოხვდა, როგორც კასილასი და არბელოა არიან, ასევე იმათაც, ვინც სხვა გუნდებში წავიდნენ სათამაშოდ, მაგალითად მე და ხუან მატა. ეს ”მადრიდის რეალის” ბრალი არ არის.