მადრიდის "რეალის" პორტუგალიელი ვარსკვლავი დაბრუნებას 3 ნოემბრისთვის აპირებს.

კრისტიანო რონალდო აპირებს მოედანს დაუბრუნდეს 3 ნოემბერს. ამ დღეს "რეალი" "სან–სიროზე" იტალიურ "მილანს" დაუპირისპირდება ჩემპიონთა ლიგის მეოთხე ტურში. რონალდომ მადრიდელთა ბოლო ოთხი შეხვედრა "მარსელთან" მიღებული ტრავმის გამო გამოტოვა. შემდეგ მან ტრავმა გაიმიზეზა პორტუგალიის ნაკრებში ასპარეზობისას.

"ძალიან მსურს "მილანთან" თამაში. ეს იქნება მნიშვნელოვანი შეხვედრა და იმედია გამოვჯანმრთელდები" – აცხადებს პორტუგალიელი.

ბოლო ოთხ მატჩში მადრიდელებმა დაამარცხეს "ვალიადოლიდი", დამარცხდნენ "სევილიასთან" და "მილანთან" და ფრე ითამაშეს "ხიხონთან".

"მსურს დავეხმარო გუნდს, მაგრამ გარისკვას არ ვაპირებ. სეზონი გრძელია და ერთი შეხვედრის გამო არ გავრისკავ. როცა 100%–ით ვიქნები მზად, მაშინ გავალ მოედანზე" – განაცხადა კრისტიანო რონალდომ.


ინფორმაციის წყარო: Goal.com