მადრიდის რეალი განაგრძობს მზადებას საჩემპიონთა ლიგო მატჩისათვის, მთავარი პრობლემა დაცვის ფლანგის გამაგრება მოგვარებულია, ვინაიდან დაბრუნდა ალვარო არბელოა, ახლა გადასაწყვეტია ვინ ითამაშებს ჩაბი ალონსოს გვერდით, მოდრიჩი თუ ესიენი?

2 კვირის წინ დორტმუნდთან მატჩში დაშავდა სამი ხედირა, შესაბამისად ის განმეორებით შეხვედრაში მონაწილეობას ვერ მიიღებს. მოდრიჩმა და ესიენმა წინა შეხვედრაში ერთად ბრწყინვალედ ითამაშეს და თავიანთი საუკეთესო თვისებები გამოავლინეს, გარდა ამისა მათ თითო-თითო გოლის გატანაც მოახერხეს.

განელი მეტწილად დაცვითი ფუნქციების შემსრულებელია და შეტევაში ნაკლებად ეფექტურია, მოდრიჩი კი პირიქით. აღსანიშნავია, რომ ლუკამ ბოლო 3 შეხვედრა ლა ლიგაში ძირითად შემადგენლობაში დაიწყო. მათგან გამოსარჩევი იყო, მატჩი მალიორკასთან, სადაც ის ალონსოს გვერდით თამაშობდა და იდეალური ტანდემი შექმნა ბასკ ჩამშლელთან. მოურინიო დიდი თავსატეხის წინაშე დგას და რას გადაწყვეტს პორტუგალიელი სპეციალისტი ამას უშუალოდ მატჩის დაწყების წინ შევიტყობთ.