ესპანური გამომცემლობა მარკა ესტებან გრანეროს დაუკავშირდა და ინტერვიუ ჩაწერა.

- How are you (ინგლისურად)?

- (იცინის) Very good, thanks (ინგლისურად).

- შეისწავლეთ უკვე ინგლისური?

- მანამდეც კარგად ვფლობდი ინგლისურს, თუმცა ახლა უფრო დავხვეწე, განსაკუთრებით საფეხბურთო ლექსიკა. ახლა თავისუფლად შემიძლია ინტერვიუს მიცემა.

- იცით როგორ უნდა წარმოთქვათ სწორედ "pirate"?

- დიახ, ამ სიტყვის გამოთქმა მთარგმნელის გარეშე ვისწავლე და მგონი ცუდად არ გამომდის.

- როგორია ცხოვრება ლონდონში?

- მშვენივრად, თავს კარგად ვგრძნობ როგორც პირადი, ასევე პროფესიონალური თვალსაზრისით.

- თავს კვლავ ფეხბურთელად გრძნობთ?

- თავს ყოველთვის ფეხბურთელად ვგრძნობდი, უბრალოდ როდესაც საკუთარ შესაძლებლობებში დარწმუნებული არ ხარ, იგი მოედანზე უნდა შეამოწმო. აქ მეტი სათამაშო დრო მეძლევა და მოხარული ვარ.

- თქვენი გარეგნული სახე დაკავშირებულია ამ ცვლილებასთან?

- პროფესიონალური და პირადი მხარეების ერთმანეთისაგან გაყოფა წარმოუდგენელია. ყველაფერი ურთიერთდამოკიდებულებაშია. მაგალითად ესპანეთში ცათამბჯენის მეორე სართულზე ვცხოვრობდი, ახლა კი საკუთარი სახლის სხვენში ვცხოვრობ. ასეთი გამოწვევა ენერგიით მავსებს, ეს გამოწვევა იმიტომ არის ჩემთვის, რომ არავინ მთხოვა დამეტოვებინა მადრიდი, რომელიც ჩემთვის მსოფლიოს საუკეთესო კლუბი არის. სინამდვილეში იქ მრავალი წლით შემეძლო დარჩენა თუ ამას მოვისურვებდი. ეს გადაწყვეტილება იმიტომ მივიღე, რომ ახალი გამოწვევები მჭირდებოდა, რადგან სწორედ ასე გავხდები უკეთესი ფეხბურთელი.

- როგორ მოგმართავენ ახალი თნაგუნელები, რაიმე მეტსახელი არ გაქვთ?

- ძირითადად სახელით მომმართავენ, იშვიათ შემთხვევაში კი "Pirata" ან "Pirate"-ს მიძახიან. მათ იციან, როგორ მივიღე ეს მეტსახელი. გრანეროს ყველაზე იშვიათად მეძახიან.

- რატომ არ გამოიყენეთ თქვენი საფირმო აღნიშნვა პრემიერ ლიგაში გატანილი პირველი გოლი?

- წავაგეთ და აღსანიშნავი არ იყო ეს გოლი.

- რატომ გადაწყვიტეთ რეალის დატოვება?

- მინდა რომ უკეთესად შევიცნო ჩემი თავი და ჩამოვყალიბდე უკეთეს ფეხბურთელად ამისათვის, კი სათამაშო დრო მჭირდება. სამეფო კლუბში დარჩენა სიგიჟე იქნებოდა, თუ გავითვალისწინებთ იმ სიტუაციას, რომელშიც მე ვიყავი. რისკი იყო სხვა კლუბში გადასვლა, რადგან შემეძლო ყველაფერი დამეკარგა რაც მქონდა, მაგრამ ფეხბურთის თამაში სიცოცხლის ძალიან მცირე პერიოდში შეუძლია ადამიანს, მე კი არ მსურს ეს დრო დავკარგო. მე მიყვარს მინდორი, ბურთი, ფეხბურთი კი - ჩემი ცხოვრებაა და მას გავყვები სადაც საჭირო იქნება. ჩემთვის ეს რისკი არ არის, მნიშვნელობა არ აქვს სად ვიქნები, მთვარია ვითამაშო.

- ხომ არ ნანობთ აქამდე რომ არ დატოვეთ ბლანკოსი?

- არა, მე მაშინ წავედი გუნდიდან, როდესაც საჭირო იყო. მანამდე იმიტომ არ ვტოვებდი რეალს, რომ ვთამაშობდი და ჩემი ბავშვობის ოცნება სწორედ ეს იყო, ახლა თავს ბედნიერად ვგრძნობ.

- რა გითხრათ მოურინიომ, როდესაც მას კლუბის დატოვების სურვილის შესახებ განუცხადეთ?

- ჩვენ ყოველთვის პოზიტიური საუბრები გვქონდა. ის ჩემს კეთილდღეობას ყოველთვის სხვა ფაქტორებზე მაღლა აყენებდა, რისთვისაც დიდ მადლობას ვუხდი. ჩვენი ბოლო საუბრისას ჩანდა, რომ მას არ სურდა ჩემი გაშვება, მაგრამ ხვდებოდა, რომ მეტი სათამაშო დრო მჭირდებოდა და ყოველივე საუკეთესო მისურვა.

- თქვენ თამაშობთ 14 ნომრით, ისევე როგორც ალონსო. რა რჩევა მოგცათ მან ინგლისური ფეხურთის შესახებ?

- 14 ნომერს ვატარებ ისევე როგორც გუტი. ყოფილი თანაგუნდელებიდან ყველაზე ხშირად სწორედ ჩაბისთან მაქვს ურთიერთობა. ის ყოველთვის ჩემი ერთ-ერთი კუმირი იყო და ბედნიერი ვარ, რომ მის გვერდით თამაშის საშუალება მქონდა. ხშირ შემთხვევაში, როდესაც უახლოვდები იმ ადამიანს, რომელიც შენზე შორიდან დადებით შთაბეჭდილებას ტოვებს, ინგრევა მისი სიდიადე, ალონსოს შემთხვევაში პირიქით მოხდა. მან მითხრა, რომ ინგლისის ჩემპიონატს კარგად მოვერგებოდი და მართალიც იყო.

- რას ეტყვით მადრიდისტებს?

- მე ახლა ზუსტად ისეთი ვარ, როგორებიც ისინი არიან. აქამდე ფეხბურთელი ვიყავი, ახლა კი რიგითი ქომაგისაგან არაფრით განვსხვავდები. მადლობას ვუხდი მათ იმ სითბოსთვის, რომელიც მადრიდში გატარებული წლების დროს ვიგრძენი. ვაგრძელებ რეალის მხარდაჭერას. უი ხო! რა თქმა უნდა კანტერა არ უნდა დამავიწყდეს, ყველაზე დიდ მხარდაჭერას სწორედ მათ ვუცხადებ, რადგან მეც კანტერადან ვარ და ასე უფრო სამართლიანი იქნება!