მადრიდის "რეალმა" ჰოლანდიელი ნახევარმცველი რაფაელ ვან დერ ვაარტი ლონდონის "ჩელსის" შესთავაზა.

იმისთვის, რათა ტრანსფერებში დახარჯული ფული გაენეიტრალებინათ, მადრიდის "რეალის" ხელმძღვანელობამ გაყიდა რობენი "ბაიერნში", ხოლო სნეიდერი "ინტერში". ახლა დრო მოვიდა მორიგი ვარსკვლავი დააყენონ ტრანსფერზე – რაფაელ ვან დერ ვაარტი. ამ სეზონში პელეგრინი მას იშვიათად ათამაშებს და მზად არის გაყიდოს ის, თუ მიიღებს კარგ წინადადებას.

"The Sunday Times"–ის ცნობით 26 წლის ჰოლანდიელი უკმაყოფილოა მისი მდგომარეობით გუნდში და მზადაა დატოვოს მადრიდი, რათა ჰქონდეს მეტი სათამაშო დრო. მითუმეტეს მოახლოვდა სამხრეთ აფრიკაში გასამართი მსოფლიო ჩემპიონატი.


ინფორმაციის წყარო: Goal.com