კრიშტიანო რონალდომ მადრიდის "რეალში" ჯამში 17 ჰეთ-ტრიკს მოუყარა თავი, აქედან 15 მან "ლა ლიგაში" შეასრულა, ხოლო თითო-თითო "კოპა დელ რეისა" და ჩემპიონთა ლიგაზე.(აღსანიშნავია, რომ ორჯერ მან პოკერი შეასრულა, შესაბამისად მას ჰეთ-ტრიკიც ჩაეთვალა). პირველად ერთ მატჩში რონალდომ სამი გოლი 2010 წლის 5 მაისს 2009-10 წლების "ლა ლიგის" სეზონის 36-ე ტურის შეხვედრაში მოახერხა. მაშინ "რეალის" მეტოქე სწორედ "მალიორკა" გახლდათ. შეხვედრა მადრიდელთა გამარჯვებით 4-1 დასრულდა.

როგორც ზემოთ მოგახსენეთ, რონალდომ ორჯერ შესრულა პოკერი, მან ოთხი გოლის გატანა ჯერ "რასინგის", ხოლო შემდგომ "სევილიას" კარში მოახერხა. რაც შეეხება ჰეთ-ტრიკებს, კრიშტიანომ "ლევანტე", "სევილია" და "მალაგა" ამ მხირვ ორჯერ დაამწუხრა. თითო-თითოჯერ კი სამჯერ გოლის გატანა ""მალიორკასთან", "რასინგთან", "ატლეტიკთან", "ვილეარეალთან", "ხეტაფესთან", "სარაგოსასთან", "რაიოსთან", "ოსასუნასთან", "ატლეტიკოსთან", "დეპორტივოსა" და "აიაქსთან" მოახერხა.