"დორტმუნდის ბორუსიასთან" სტუმრად გატანილი გოლის შემდეგ, პორტუგალიელი სუპერ ვარსკვლავი კრიშტიანუ რონალდუ ჩემპიონთა ლიგის ბომბარდირთა დავას სათავეში ჩაუდგა. კრიშტიანუმ "ბორუსიას" გოლი 37-ე წუთზე გაუტანა და წონასწორობა აღადგინა, თუმცა საბოლოო ჯამში ყველამ იცით, რომ ეს შეხვედრა მადრიდელებისთვის კრახით დასრულდა. აღსანიშნავია, რომ ეს გოლი რონადლუსთვის გერმანიაში პირველი იყო.

რონის გატანილი ბურთების მხრივ სოლდადო, ოსკარი და ჰუნტელაარი მოსდევენ, რომლებსაც სამ-სამი ბურთი აქვთ გატანილი, ხოლო ყველასთვის ალბათ მოულოდნელად ბომბარდირთა დავას ლიონელ მესი ჩამორჩება, მას 2 ბურთი აქვს თავის ანგარიშზე.

კრიშტიანუმ კი პირიქით, ამ სეზონში მან ჩემპიონთა ლიგის სამივე მატჩი გატანილი გოლებით აღნიშნა: მან ჯერ "მანჩესტერ სიტის" გაუტანა, შემდეგ "აიაქსთან" გასვლაზე ჰეტ-რიკი შეასრულა და ბოლოს "დორტმუნდის" კარშიც შეაგდო ბურთი. რონალდუს ამ სეზონში ჩემპიონთა ლიგის თითო თითო მატჩში დაახლოებით 1.67 გოლი გააქ.

აღსანიშნავია ასევე ის ფაქტი, რომ კრიშტიანუმ თავის კარიერაში ჩემპიონთა ლიგაზე ზედიზედ ოთხ მატჩში გამოიჩინა თავი - "ბაიერნთან" გასულ სეზონში, "მანჩესტერ სიტისთან", "აიაქსთან" და "ბორუსიასთან" კი წლევანდელ სეზონში. ასეთი შედეგი აქამდე მხოლოდ ოთხ მადრიდისტას ჰქონდა: ფერენც პუშკაშს, რაულს, რუუდ ვან ნისტელროის და კარიმ ბენზემას.

ბოლო შვიდ ოფიციალურ მატჩში, რონალდუმ 12 გოლის გატანა შეძლო. მან ამით თავისივე დამყარებული რეკორდი გააუმჯობესა. აქამდე შვის ოფიციალურ მატჩში, 11 გოლი ჰქონდა გატანილი.

კვირას კრიშტიანუ და მისი გუნდი გასვლაზე "მალიორკას" შეხვდებიან, როგორც მადრიდის "რეალის" ფეხბურთელმა რონადლუმ სწორედ "მალიორკას" კარში შეასრულა პირველი ჰეტ-რიკი.

ინფორმაციის წყარო: www.realmadrid.ru