მანუელ პელეგრინი, რომელიც ჟოზე მოურინიომდე მადრიდის "რეალს" ედგა სათავეში, ჟურნალისტებს გაესაუბრა...

"ვფიქრობ, სამეფო კლუბს ჰყავს იმ დონის კოლექტივი, რომ ყველა ტიტულის მოსაგებად იბრძოლოს, ამ გუნდს ნამდვილად შესწევს იმის ძალა, რომ ნებისმიერი მეტოქისთვის სახიფათო იყოს."

"ჟოზე მოურინიომ ბრწყინვალე კოლექტივი ჰყავს, რომლებიც უკვე რამდენიმე წელიწადია ერთად თამაშობენ და ერთმანეთის სათამაშო სტილი კარგად აქვთ ათვისებული, "ბლანკოსს" ეს ყოველთვის აკლდა, რადგან ყოველი სატრანსფერო ფანჯრის დროს გუნდს მინიმუმ 3-4 ფეხბურთელი ემატებოდა, რომლებსაც ადაპტაციის გავლისთვის დრო სჭირდებოდათ."

"90 წუთის მანძილზე "რეალი" ბურთს უნდა ფლობდეს და ინიციატივას მუდმივად ფლობდეს, რადგან არ შეიძლება ასეთი შემადგენლობის მქონე გუნდი ბურთისთვის იბრძოდეს."

"როდესაც სამეფო კლუბს ვწვრთნიდი, სულ სხვა გარემოებებმა შემიშალა ხელი ჩემპიონობის მოპოვებაში. პირველ რიგში უნდა აღვნიშნოთ, რომ გუნდში მეგა ვარსკვლავები მოვიდნენ, რომლებსაც აუცილებლად სჭირდებოდათ შეთამაშება, ამისთვის კი დრო იყო საჭირო, ამას ისიც მოწმობს, რომ იგივე ფეხბურთელები დღევანდელ დღეს ერთმანეთს ბევრად კარგად უგებდნენ ვიდრე ადრე."

"ასევე აღსანიშნავია გაუთავებელი ტრავმები, კრიშტიანო რონალდოს თითქმის 3 თვიანი დამტვრევა არასდროს დამავიწყდება, ასევე აღსანიშნავია, პეპეს ნახევარ წლიანი ჩამოშორება მწვანე მინდვრიდან. ყველა პრობლემის მიუხედავად ჩემმა "ბლანკოსმა" ლა ლიგაში 96 ქულა მოაგროვა, რაც მსგავსი დონის ჩემპიონატისთვის ნამდვილად ბრწყინვალე მონაპოვარი გახლავთ."

"არ მიყვარს შედეგზე ორიენტირებული მწვრთნელები, როდესაც გუნდი უტევს, ის არასდროს არ უნდა გააჩერო, თუნდაც გამანადგურებელი ანგარიშით იგებდე, რადგან მოედანზე გულშემატკივრები არიან შეკრებილნი, რომლებიც პირველ რიგში სანახაობრივი ფეხბურთის ჩვენების მოთხოვნას უყენებენ მადრიდულ გიგანტს."