როგორც ჩვენთვის ცნობილია ადანს, სურს ისეთ კლუბში გადავიდეს, სადაც ყოველთის ექნება სათამაშო დრო, მადრიდში კი კასილასის ფონზე ამის საშუალება არ ეძლევა.

ჟოზე მოურინიომ გასული სატრანსფერო პერიოდის დროს ადანი დაარწმუნა, რომ დროებით დარჩენილიყო მადრიდში. იყო ჭორები, რომ მას საშუალებას მისცემდნენ "სამეფო თასზე" გუნდის ძირითადი მეკარე ყოფილიყო. თუმცა ნათელია, რომ ადანს მადრიდში თამაშის პერსპექტივა ფაქტიურად არ აქვს.

გასათვალისწინებელია, რომ "ბეტისის" კიპერს კლუბთან კონტრაქტი 2013 წელს ეწურება, კლუბის ხელმძღვანელობა კი მის შემცვლელად ადანს მოიაზრებს.

ანტონიო ადანს მადრიდის "რეალთან" კონტრაქტი 2014 წლამდე აკავშირებს, Transfermarkt.de-ს მიხედვით მისი ღირებულება 1 მილიონი ევროა.