როგორც უცხოური პრესა იუწყება, სამეფო კლუბის ხელმძღვანელობა ზამთრის სატრანსფერო ფანჯრის დროს ფორვარდის შეძენას გეგმავს...

ესპანური გრანდი უკვე დიდი ხანია ინტერესდება ფალკაოს შეძენით, მაგრამ "ატლეტიკოს" ხელმძღვანელობა ყველაფერს აკეთებს იმისათვის, რომ წამყვანი თავდამსხმელი საკუთარი გუნდის რიგებში დატოვოს, "როხიბლანკოელები" არაფრის დიდებით არ თმობენ თავიანს სუპერ ფორვარდს, რომელიც გუნდისთვის მართლაც ბევრს ნიშნავს.

არის საუბრები იმის შესახებ, რომ ფლორენტინო პერესი ფალკაოს სანაცვლოდ 55 მილიონ ევროს ჩამოდის, მაგრამ "ოფერტი" პასუხგაუცემელი გახლქავთ, ესპანეთის დედაქალაქის მეორე გუნდის ადმინისტრაცია დუმილს ამჯობინებს.

ზემოთხსენებული გარემოებებიდან გამომდინარე, სამეფო კლუბი მეორე კანდიდატურასაც განიხილავს. საქმე ნეიმარს ეხება, რომელიც ასევე იყო მოქცეული პერესის ინტერესის სფეროში, მაგრამ ახალგაზრდა ბრაზილიელმა დროებით, ამჟამინდელ კლუბში დარჩენა ამჯობინა, რადგან ჩათვალა, რომ იგი ევროპაში სათამაშოდ მეტისმეტად ახალგაზრდა იყო.

ვრცელდება ინფორმაცია, რომ მადრიდის "რეალის" პრეზიდენტი, ნეიმარის სანაცვლოდ 28 მილიონ ევროს ამზადებს, წლიური ანაზღაურების სახით კი ბრაზილიელს 5.5 მილიონი ევრო ექნება, რაც მისი ასაკის მოთამაშისთვის ნამდვილად კოლოსალური თანხა გახლავთ.

როგორც ჩანს პერესი ნეიმარის მოხიბვლას მაღალი ანაზღაურების ეცდება, საბოლოო პასუხი კი ისევ ფეხბურთელზე იქნება დამოკიდებული.