სამეფო კლუბის კიპერმა, "ფილიფსის" ერთ-ერთ პროდუქტს რეკლამა გაუკეთა.თავის მხრივ, ჟურნალისტებმა შემთხვევით ისარგებლეს და რამდენიმე კითხვა დაუსვეს "ელ კაპიტანოს."

"სამეფო თასის კენჭისყრის შედეგად, მომავალი მოწინააღმდეგის ვინაობა გავიგეთ.ახლა, "ალკოიანოზე" უნდა მოვახდინოთ ფოკუსირება.ისტორიის განმავლობაში გვახსოვს შემთხვევები, როდესაც დაბალი დივიზიონის კლუბებმა საკმაოდ უსიამოვნო მდგომარეობაში ჩაგვაგდეს.აქედან გამომდინარე ყურადღება გვმართებს.აუცილებლად უნდა მოვახერხოთ ფინალურ ეტაპზე გასვლა.მომავალი მეტოქე პატივისცემას იმსახურებს, მათ არაფერი აქვთ დასაკარგი."

"მიუხედავად ლაზარეთის გავსებისა, არა მგონია პრობლემები შეგვექმნას შემადგენლობის დაკომპლექტებასთან დაკავშირებით.სარეზერვო გუნდში მოთამაშე ფეხბურთელებს, სრულფასოვნად შეუძლიათ თამაში.დარწმუნებული ვარ, "სელტას" წინააღმდეგ, დამრიგებელი საუკეთესო თერთმეტეულს შეარჩევს."

"ხალხისგან დიდი პატივისცემასა და დაფასებას ვგრძნობ, რითიც ძალიან ვამაყობ.ყოველთვის ვეცდები ანალოგიურ ტემპში გავაგრძელო თამაში და სიამოვნება მივანიჭო როგორც კლუბის, ასევე ნაკრების გულშემატკივრებს."

"ჩემს მიმართ წამოსულ კრიტიკას, იუმორის გრძნობით შევხვდი.ჩვენ პატივი უნდა ვცეთ კრიტიკის გამოთქმის უფლებას.სამეფო კლუბის რიგებში არაერთი წელია ვთამაშობ და კარგად მესმის, რომ რამდენიმე მატჩით შეიძლება რაღაცები შეიცვალოს.მთავარია აღებული გეზის გაგრძელება და გავრცლებული ხმების გვერდზე გადადება."

"ფალკაო დიდებული ფორვარდია.ეს მან არაერთხელ დაამტკიცა.ვფიქრობ, გავრცლებეული ინფორმაცია მხოლოდ ჭორია და მეტი არაფერი.ჩვენ გვყავს ისეთი შემადგენლობა, რომელსაც დიდი მიზნებისთვის ბრძოლა შეუძლია."

"ნამდვილად გაოცებული დავრჩები, თუ ნამდვილად არსებობს პეპეზე ვიდეო.ვფიქრობ, ასეთ საქციელს გამართლება არ აქვს."ბარსელონას" არ ეკდარება მსგავსი რამ."

ინფორმაციის წყარო: realmadrid.com