19:55 წუთზე მადრიდის "რეალის" ფეხბურთელები აეროპორტ Asturias-ში ჩამოფრინდნენ. მათ დახვდათ 200–მდე გულშემატკივარი. მადრიდელები ხიხონში კრისტიანო რონალდოს, ვან ნისტელროის, ბენზემას, იგუაინისა და ლასის გარეშე ჩაფრინდნენ, მაგრამ მაინც გამარჯვებას გეგმავენ. მანუელ პელეგრინის ჩათვლით გუნდის 19 წევრი დაბინავდება სასტუმროში მატჩის დაწყებამდე.

"ვალდებებასზე" ვარჯიშის დასრულების შემდეგ მადრიდელი ფეხბურთელები "ბარახასის" აეროპორტისკენ გაემართნენ. 45 წუთის განმავლობაში "ბლანკოსის" წევრები, რომელთაც თან ახლდათ ვიცე–პრეზიდენტი ედუარდო ფერნანდეს დე ბლასი, მენეჯერები ლუის ბლასკო, ლუის გომეს მონტეხანო და ენრიკე პერესი, გენერალური დირექტორი ხორხე ვალდანო და სპორტული დირექტორი მიგელ პარდესა ჩასხდნენ თვითმფრინავში, რომელმაც გეზი ასტურიისკენ აიღო. ერთი საათის შემდეგ "სამეფო კლუბი" ასტურიაში იყო. ფლორენტინო პერესი ერთი საათით ადრე ჩაფრინდა ხიხონში.

პელეგრინის ოთხი მნიშვნელოვანი ფეხბურთელი დააკლდება "ხიხონთან" მატჩისთვის. კრისტიანო რონალდო, იგუაინი, ნისტელროი და ბენზემა ტრავმირებულნი არიან, ხოლო ლასანა დიარას ოჯახური პრობლემები აქვს და საფრანგეთში იმყოფება. ასევე არიან გამოჯანმრთელებული ფეხბურთელებიც: გუტი, გაგო და მეცელდერი. ახალი სახეა ხავიერ აკუნია, რომელიც "კასტილიიდან" შეუერთდა გუნდს.

ფეხბურთელებს დიდებული განწყობა აქვთ. მათ იციან ამ შეხვედრის მნიშვნელობა. ყველა მათგანს სურს ლა ლიგის მოგება. "რეალი" აპირებს მოიგოს მეშვიდე მატჩი ქვეყნის ჩემპიონატში.

"ხიხონთან" მატჩამდე

მადრიდელი ფეხბურთელები სასტუმროში დაბინავდნენ, სადაც ისინი მატჩის დაწყებამდე ორი საათით ადრე დარჩებიან. სადილის შემდეგ ორი ფეხბურთელი, ამჯერად მარსელო და მაჰამადუ დიარა გაესაუბრებიან გულშემატკივრებს და ავტოგრაფებთან ერთად სამახსოვრო ფოტოებსაც გადაიღებენ.


ინფორმაციის წყარო: Realmadrid.com