მადრიდის "რეალის" რიგებიდან "სელესაოს" ღირსებას მარსელო და ნაკრებში ახლადაბრუნებული კაკა იცავდნენ. მარცხენა მცველმა სრული 90 წუთი დაჰყო მოედანზე, ხოლო რიკი 72-ე წუთზე შეცვალეს, თუმცა ეს 72 წუთი საკმარისი აღმოჩნდა კაკასთვის დაემტკიცებინა, რომ ჯერ მისი ჩამოწერა ნაადრევია. 26-ე წუთზე მან ჯერ ოსკარს გაატანინა, ხოლო მეორე ტაიმის საწყის წუთებში ბრწყინვალე სოლორეიდი მოაწყო და თავადვე დალაშქრა ერაყის კარი. საბოლოო ჯამში ბრაზილიამ ამხანაგურ მატჩში არაამხანაგური შედეგით იმარჯვა - 6-0. კაკას გარდა თავი გამოიჩინეს: ოსკარმა(2), ჰალკმა, ნეიმარმა და ლუკასმა.