"სეგუნდა" დივიზიონის მერვე ტურის მატჩში "კასტილია" ალიკანტეს სტუმრობდა, სადაც "ლა ლიგიდან" გავარდნილ, ადგილობრივ "ერკულესს" დაუპირირსპირდა. მატჩი მადრიდელთათვის კოშმარულად დაიწყო. მატჩის ნახევარი საათის თავზე ალბერტო ტორილის შეგირდები 0-2-ს აგებდნენ, თუმცა მეორე გაშებული გოლიდან 2 წუთში ჩერიშევმა ერთი ბურთის გაქვითვა მოახერხა.

მეორე ტაიმი მთლიანად სტუმართა უპირატესობით წარიმართა და მადრიდელებმა 3 უპასუხო გოლის გატანა მოახერხეს. თავი კასადომ, მორატამ და ხესემ გამოიჩნეს. ამ გამარჯვებით "კასტილიამ" 12 ქულას მოუყარა თავი და ცხრილის მეთერთმეტე პოზიციას იკავებს. შეგახსენებთ, რომ მიმდინარე სეზონში მადრიდელთა ანგარიშზე 4 გამარჯვება და 4 წაგება გახლავთ. ჯერ-ჯერობით "კასტილიას" ფრედ არ დაუსრულებია მატჩი.