გუშინ 99 წლის ასაკში გარდაიცვალა მადრიდის "რეალის" "პირველი გულშემატკივარი" ფელიქს პერესი.

ხუთშაბათს დილით 99 წლის ასაკში გარდაიცვალა მადრიდის "რეალის" ლეგენდარული გულშემატკივარი ფელიქს პერეს ალვარესი. "ბლანკოსის" გულშემატკივრობა მან 1923 წლიდან დაიწყო86 წელიწადი ის "სამეფო კლუბის" ფან–კლუბის წევრი იყო. კლუბში მას არაოფიციალურად №1 ფანს ეძახდნენ.

"რეალის" ოფიციალური გულშემატკივრის რანგში მან იხილა თუ როგორ მოიგო "ბლანკოსმა" 31 ლა ლიგის ტიტული, 9 ჩემპიონთა ლიგა, 2 უეფას თასი, 3 საკონტინენტთაშორისო თასი და ევროპის სუპერთასი.

დღეს "რეალის" საკალათბურთო კლუბი მწუხარების ნიშნად შავი სამკლაურებით თამაშობდა "ხიმკის" წინააღმდეგ (81:84 მოსკოვური კლუბის სასარგებლოდ). ასევე "ხიხონის" წინააღმდეგ "ბლანკოსის" ფეხბურთელებიც შავი სამკლაურებით გავლენ მოედანზე.

Halamadrid.Ge-ს ადმინისტრაცია მწუხარებას გამოთქვამს ფელიქს პერესის გარდაცვალების გამო.


ინფორმაციის წყარო: Realmadrid.com