მადრიდის რეალის ახალწვეულმა, სამეფო კლუბის ოფიციალურ ვებ-გვერდს ვრცელი ინტერვიუ მისცა.

"მადრიდის რეალი მსოფლიოს უდიდესი კლუბია და ნებისმიერი ფეხბურთელი იოცნებებდა აქ თამაშს. გუნდში იდეალური მდგომარეობაა და ყოელი ვარჯიშისაგან სიამოვნებას ვიღებ, თანაგუნდელებთან ურთიერთობა და ხუმრობა მეხმარება ადაპტაციის პროცესში."

"სერიოზული ტრავმა მქონდა და იმის შემდეგ თამაშს მოვუკელი, თუმცა ბოლომდე ვიხარჯები, რომ კონდიციები აღვიდგინო. ძალიან მალე მადრიდული პუბლიკა ნამდვილ ესიენს გაიცნობს."

"მოურინიო ჩემთვის მამასავით არის და მასთან მუშაობით კმაყოფილი ვარ. მოხარული ვარ, რომ ის კვლავ ჩემი მწვრთნელია. ჟოზე არის იმ ადამიანთაგან, რომლებიც ბრწყინვალედ მიცნობენ. ჩელსიში სწორედ მისი მოთხოვნით გადავედი და რახან მან მადრიდშიც მომიწვია, კვლავ მენდობა და გარკვეულ იმედებს ამყარებს ჩემზე. იმედი მაქვს მასთნ ერთად კიდევ მრავალ ტიტულს მოვიგებ."

"ლა ლიგა ძალიან ცუდად დავიწყეთ, მაგრამ ეს უკვე წარსულს ჩაბარდა, ზედიზედ ორი მატჩი მოვიგეთ და ვიმედოვნებ შაბათს მოგებათა სერიას გავაგრძელებთ. ყოველი მატჩი უმნიშვნელოვანესია და თუ ტიტულისათვის ბრძოლა გვსურს, ქულები აღარ უნდა დავკარგოთ. რაც შეეხება ლა ლიგას, იგი მსოფლიოს ერთ-ერთი საუკეთესო ტიტულია. პრემიერ ლიგას უფრო აქებენ, მაგრამ დამერწმუნეთ პრიმერა დივიზიონი ინგლისურ პირველობას არაფრით ჩამოუვარდება. იმედი მაქვს წინ კარგი სეზონი გველის და მოვახერხებთ ჩემპიონის ტიტულის შენარჩუნებას."

"ინგლისის ჩემპიონატში რა თქმა უნდა ჩელსის ვქომაგობ, მათ ტურნირში გამარჯვების ბრწყინვალე შანსი აქვთ, თუმცა არავინ იცის რა მოხდება სეზონის ბოლოს. ფეხბურთის დასრულების შემდეგ კი უფრო აქტიურად მივხედავ ჩემს ფონდს და დავეხმარები განელ ბავშვებს, რომლებსაც ხელის გაწოდება აუცილებლად სჭირდებათ."