სტატისტიკიდან კარგად ჩანს, რომ ჩაბი ალონსოს სამეფო კლუბში შემცვლელი არ ჰყავს.

ჟოზე მოურინიო როტაციებსა და ცვლილებებს ხშირად მიმართავს, თუმცა ეს არ ეხება ბასკ ნახევარმცველს, რომელიც გუნდის "ხერხემალია."მიუხედავად იმისა, რომ სეზონი ახალხან დაიწყო, ჩაბის აქტივში (დაახლოებით) 1000 სათამაშო წუთია (11 მატჩი შეუცვლელად - 8 "რეალში" და 3 ესპანეთის ნაკრებში).მის მაჩვენებელს მხოლოდ კასილიასი თუ აუბამს მხარს.

გასულ სეზონში, ალონსომ 67 დაპირისპირებაში მიიღო მონაწილეობა, რაც დაახლოევით 5000 წუთს უდრის (მხოლოდ იკერი და რონალდუ აღემატებიან).ფეხბურთელს მადრიდში ფაქტიურად დასვენება არ უწევს, რასაც ვერ ვიტყვით "ფურია როხაზე."დელ ბოსკეს მოსვლის შემდეგ, "ლივერპულის" ყოფილ "დირიჟორს," არაერთხელ მოუწია სათადარიგოზე დაჯდომა.

ალბათ, ეჭვი არავის ეპარება იმაში, რომ ჩაბის გარეშე სამეფო კლუბი წარმოუდგენელია.

ინფორმაციის წყარო: marca.com