სამეფო კლუბმა, ესპანეთის პრიმერა დივიზიონის მე-5 ტურის შეხვედრა გამართა.

"თეთრები" თანაქალაქელ "რაიო ვალეკანოს" ფეხბურთელებს დაუპირისპირდნენ."ვალეკასზე" შემდგარი მატჩი, მოურინიოს შეგირდებმა 0-2 მოიგეს.პირველ ტაიმში დი მარიას გადაცემის შემდეგ ბენზემამ გაიტანა, ხოლო მეორე ნახევარში თერთმეტმეტრიანის ნიშნულიდან ზუსტად გაისროლა კრიშტიანუ რონალდუმ.აღსანიშნავია, რომ მატჩის მსვლელობისას მთავარმა არბიტრმა, "რეალს" 2 თამაშის წესების დაცვით გატანილი გოლი არ ჩაუთვალა.

"რეალის" შემადგენლობა "რაიოსთან:" კასილიასი, არბელოა, მარსელო, პეპე, რამოსი, ალონსო, ესიენი, მოდრიჩი (იოზილი), დი მარია (ხედირა), რონალდუ & ბენზემა (იგუაინი).