მოურინიომ რამოსი დასაჯა და სიტისთან ძირითადში ახალგაზრდა რაფაელ ვარანი დააყენა. ამ ფაქტმა საფრანგეთის 21 წლამდელთა ნაკრების წევრის დიდი გაოცება გამოიწვია, რადგან გუნდში არის რაულ ალბიოლიც, რომელსაც უფრო მეტი სათამაშო დრო ეძლევა ხოლმე და გამოცდილებაც გაცილებით დიდი აქვს ვიდრე მას.

"ჩემთვის ამ მატჩში მონაწილეობის მიღება, ძალიან მნიშვნელოვანი იყო და როდესაც მოურინიომ მკითხა მზად ვიყავი თუ არა სათამაშოდ, მე ვუპასუხე: "მზად ვარ." მან მითხრა, რომ 100 %-ით უნდა დავხარჯულიყავი მოედანზე. ძალიან დაძაბული მატჩი გამოდგა და მოხარული ვარ, რომ მოვიგეთ, მე სრულ მზადყოფნაში ვარ და ნებისმიერ დროს შემიძლია ჩავერთო თამაშში და შევასრულო დაკისრებული მოვალეობა."

"არ მწყინს, რომ ხშირად არ მიწევს თამაში, გასაგებია, რომ პეპე და რამოსი მსოფლიოს საუკეთესო მცველები არიან და პირიქით მიხარია, რომ მათთან ვვარჯიშობ და ძალიან ბევრის სწავლა შემიძლია. კლუბის გამოცვლას არ ვაპირებ, რადგან ძალიან ბევრს ვვარჯიშობ და ადრე თუ გვიან უფრო მეტ სათამაშო დროს მივიღებ. ყველაზე დიდ მადლობას პეპეს ვუხდი, რომელიც ხშირად მესაუბრება და ფასდაუდებელ რჩევებს მაძლევს."