როგორც დღეს გაუწყეთ, ლუკდა მოდრიჩს 27 წელი შეუსრულდა.

ალბათ, წლევანდელი დაბადებისდღე ფეხბურთელის ცხოვრებაში ყველაზე სასიხარულოა, რამეთუ იუბილეს "რეალის" მაისურით შეხვდა.ხორვატი ფეხბურთელები, თანაგუნდელის მისამართით საქებარ სიტყვებს არ იშურებენ.რიგი მათგანი მას ბრძენს უწოდებს: "ლუკასგან ყოველთვის დიდი ემოცია მოდის.ის მუდამ იღიმის."

მაკედონიასთან დაპირისპირებაში, არავის ეგონა, რომ მოდრიჩი სრულად შეძლებდა თამაშს, თუმცა მოვლენები სხვაგვარად განვითარდა - ნახევარმცველმა 90 წუთი დაჰყო მოედანზე და იელავიჩთან ერთად საუკეთესო ფეხბურთელი გახდა.მან წარმატებული გამოსვლით ადგილობრივი პრესის მოწონება დაიმსახურა.

2014 წლის მუნდიალის შესარჩევი ეტაპის მოგებით დაწყების შემდეგ, ლუკამ დასძინა, რომ მზად არის "რეალის" რიგებში 90 წუთის ჩასატარებლად.ალბათ, უახლოეს შერკინებაში (სევილიასთან) ხორვატს ვიხილავთ მწვანე მინდორზე საწყისი წუთებიდან, თუ რა თქმა უნდა, დაბადების დღის ტორტზე, სანთლების ჩაქრობის დროს აღნიშნული ჩაიფიქრა.

ინფორმაციის წყარო: As.com