მადრიდის "რეალის" ექს ფეხბურთელმა, ლასანა დიარამ ახალ კლუბში უკვე ივარჯიშა, მას ახალი თანაგუნდელები ძალიან თბილად დახვდნენ, ფრანგმა მოთამაშემ ჟურნალისტებთან ისაუბრა...

"არ ვნანობ, რომ ანჟის ფეხბურთელი გავხდი, რადგან ეს გუნდი სულ მალე დაიპყრობს ევროპის საზღვრებს და ჩემპიონთა ლიგის მოგებას შეეცდება, ყველაფრისთვის დრო არის საჭირო, მაგრამ საფუძველი ნამდვილად არსებობს, აქ პროფესიონალი კოლექტივია შეკრებილი, რომელსაც ნამდვილად შეუძლია გუნდის ფეხზე დაყენება და მაქსიმალური მიზნებისთვის ბრძოლა."

"სამეფო კლუბის დატოვება ჩემთვის ნამდვილად მძიმე იყო, რადგან იქ რამდენიმე წელიწადი გავატარე და ტიტულების მოგებაც შევძელი, "ბლანკოსის" ღირსების დაცვა ნებისმიერი ფეხბურთელისთვის დიდი პატივია, მაგრამ როგორც ჩანს ჟოზეს გუნდში ჩემი ადგილი აღარ იყო, სწორედ ამიტომ მივიღე რუსეთში გადმობარგების გადაწყვეტილება."

"დარწმუნებული ვარ ადაპტაციას ძალიან მალე გავივლი და ახალ კლუბს ისე დავეხმარები, როგორც მადრიდულ გიგანტს ვეხმარებოდი, ესპანეთის დედაქალაქში ყოფნის დრო ყოველი დღე ვარჯიშით იწყებოდა და მთავრდებოდა, მე ამ გუნდისთვის მაქსიმუმი გავიღე."