სამეფო კლუბის "შვიდიანის" სენსაციურმა განცხადებამ, სპორტულ მედიაში რეზონანსი გამოიწვია.

ევროპული ტაბლოიდები ცდილობენ, საკუთარი ახსნა-განმარტება მოუძებნონ კრიშტიანუს ნათქვამს.მართალია, გთავაზობთ მათ მოსაზრებებს, თუმცა აუცილებელი არარის მათი გაზიარება, რამეთუ რეალური მიზეზი ნამდვილად არავისთვისაა ცნობილი (ავტ.).

იტალიური La Gazzetta dello Sport-ი მიიჩნევს, რომ კრიშტიანუ "ნაწყენი და დაღლილია," ხოლო ამის მიზეზად სახელდება, ფეხბურთელის შემოსავლები და ურთიერთობა თანაგუნდელებთან.ისინი ესპანელებს მსგავსად, გოლეადორს ბავშვურად მოქცევაში ადანაშაულებენ.

ფრანგულმა L'Equipe-მაც დაწერა კრიშტიანუს შესახებ, თუმცა მათ "მარჩიელობისაგან" თავი შეიკავეს.ჟურნალისტმა აღნიშნა, რომ სანაკრებო შეხვედრები იქნება გადამწყვეტი.

პორტუგალიური Record-ის თქმით, რონალდუმ განგაშის ზარები ჩართო "სანტიაგო ბერნაბეუზე."თანამემამულეები იზიარებენ "მარკას" აზრს, ფეხბურთელის დეპრესიაში ყოფნის თაობაზე.

O Jogo-ს ინფორმაციით, "გოლების მანქანამ" სარფიანი შემოთავაზება მიიღო "პსჟ"-სგან, ხოლო თუ დავუჯერებთ A Bola-ს, რონალდუმ საჭიროდ ჩათვალა მადრიდის დატოვება.

პ.ს. როგორც თავად დარწმუნდით, პრესაშიც მრავალაზროვნება სუფევს.ჩემი, როგორც ავტორის რჩევა იქნება, დაველოდოთ მოვლენების განვითარებას!