როგორც კაკას ძმა დიგაო აცხადებს, რიკარდო 90 წუთის მანძილზე დაივიწყებს "მილანში" გატარებულ ექვს სეზონს "სანტიაგო ბერნაბეუზე" გასამართ მატჩში.

ბრაზილიელი ნახევარმცველი წლევანდელ ზაფხულს შეუერთდა "რეალს" იტალიური "მილანიდან" და ჩემპიონთა ლიგაზე "როსონერისთან" უწევს დაპირისპირება. კაკას ძმა დიგაო თვლის, რომ კაკა დაივიწყებს ამ კლუბში გატარებულ წლებს 90 წუთის მანძილზე.

"ეს იქნება ემოციური შეხვედრა. მე ვკითხე რიკარდოს, თუ რას გრძნობს ამ მატჩის წინ და მან მიპასუხა, რომ ყველაფერს დაივიწყებს მოედანზე".

"ის ყველაფერს გააკეთებს, რათა გუნდმა გამარჯვებას მიაღწიოს. "სამეფო კლუბისთვის" რიკარდო ყველაფერს გაიღებს".

დიგაო თვლის, რომ "მილანი" ნანობს კაკას გაყიდვას. მისი წასვლის შემდეგ გუნდი საშინლად გამოიყურება.

"ის დიდებული ფეხბურთელია და ნებისმიერი გუნდი იზარალებდა მისი წასვლით, მაგრამ დარწმუნებული ვარ "მილანი" მოძებნის გამოსავალს ამ სიტუაციიდან".


ინფორმაციის წყარო: Goal.com