თამაშის შემდეგ რაულ ალბიოლი და იკერ კასილასი ჟურნალისტებს გაესაუბრნენ...

”მადრიდის რეალის” მცველი სულაც არ იყო აღელვებული ”ვალენსიასთან” ნაჩვენები საყაიმო ანგარიშით: ”დიდებული პირველი ნახევრის შემდეგ არ მოგება სირცხვილი იყო. ლა ლიგის პირველი თამაში ყოველთვის რთულია, გუნდი არაა შეჩვეული ამ რიტმს. მიზანი ჩემპიონატის ხელახლა მოგებაა და ამის გასაკეთებლად 90-ზე მეტი ქულა გვჭირდება. ჯერ კიდევ ყველაფერი წინაა.”


”თეთრების” კაპიტანისთვის ყველაზე მნიშვნელოვანი ამ თამაშში მეტოქე გუნდის მცველების კარგი თამაში იყო: ”ისინი კარგად გამოიყურებოდნენ და მათი დაცვის ხაზის მნახველს ეს ფრე სრულიად სამართლიანი მეჩვენება.” პირველი დაკარგული ქულების შემდეგ კასილასს ნაადრევად მიაჩნია რამეზე საუბარი: ”მიუხედავად იმისა, დღეს მოვიგებდით, თუ ფრედ ვითამაშებდით დასკვნების გამოტანა ძნელია და არ შეიძლება, გუნდები ჯერ მხოლოდ ხურდებიან. ეს თვე სწორედ ამისთვის დაგვჭირდება.”

”მე კარგად ვარ. პირველი ნახევრის ბოლო წუთები ძალიან ძნელი იყო, მაგრამ მერე გამოვკეთდი. პეპეს შერყევა ქონდა და ის ღამეს საავადმყოფოში გაატარებს. იმედი გვაქვს ის მალე გამოჯანმრთლდება”